உபுண்டு தமிழ்க் குழுமம்

கோவையில் நடந்த தமிழ் இணைய மாநாடு

admin — Thu, 01 Jul 2010 14:12:26 +0000

கோவையில் தமிழ் இணைய மாநாடு ஜூன் 24 தெடங்கி 27ஆம் தேதி வரை நடந்தது. நண்பர் இரவிசங்கர் உதவியால் தமிழ் விக்கிபீடியா குழுமத்துடன் இணைந்து அங்கு வந்த மக்களுக்கு உபுண்டு தமிழ் குழுமம் சார்பாக கட்டற்ற மென்பொருளின் பயன்களை பற்றி விளக்கபட்டது. கட்டற்ற மென்பொருளின் கேள்வி பதில்கள் அடங்கிய ஒரு நோட்டீஸ் மற்றும் உபுண்டு 10.04 வட்டுகளை ஆர்வமுள்ள மக்களுக்கு விநியோகிக்கபட்டது.

ராமதாஸ்,நாகராஜா, பத்து, கனகராஜ் , செங்கோட்டுவேல், விக்னேஷ், அருளப்பன், ராஜ் குமார், தமிழ் இனியன், அரவிந்தன், நவீன் ஆகியோர் உபுண்டுவின் பயன்களை மக்களுக்கு விளக்கினார்கள்.

தருமபுரியில் நடந்த "கல்வி மற்றும் தகவல் தொழில்நுட்ப கண்காட்சி, கருத்தரங்கம்"

admin — Tue, 01 Jun 2010 17:37:21 +0000

தருமபுரி, மக்கள் வாழ்வுரிமை அறக்கட்டளை சார்பில் "கல்வியும் தகவல் தொழில்நுட்பமும்" என்கிற தலைப்பில் மே 30ஆம் தேதி கண்காட்சியும் கருத்தரங்கமும்
நடைபெற்றது[1]. இதில் உபுண்டு தமிழ்க் குழுமம், யாவர்க்குமான மென்பொருள் அறக்கட்டளை சார்பில் கலந்து கொண்டு கண்காட்சிக்கு வருகை புரிந்த மக்களுக்கு கட்டற்ற
மென்பொருள் பற்றிய கோட்பாட்டு ரீதியான விளக்கங்களையும் உபுண்டு இயங்குதளம் பற்றிய சிறப்புகளையும் எடுத்தியம்பினோம்.

தங்கமணி அருண், ஆமாச்சு, நாகராஜ், செல்வமுரளி ஆகியோர் கண்காட்சியில் கடைவைத்து வருகை புரிந்து வேண்டியோருக்கு விளக்கங்களை அளித்தும் கட்டற்ற மென்பொருள்

காஞ்சி லினக்ஸ் பயனர் குழு நடத்தும் உபுண்டு 9.10 - கருமிக் கோவாலா வெளியீட்டு விழா

admin — Sat, 28 Nov 2009 18:37:09 +0000

வரும் ஞாயிற்றுக்கிழமை - 29.11.09 அன்று காஞ்சிபுரம், பூக்கடை சத்திரம், P.T.V.S. (ஆங்கில வழி) உயர்நிலை பள்ளியில் மாலை 3.00 மணி முதல் 5.00 மணி வரை உபண்டு 9.10 வெளியீட்டு விழா நடைபெற உள்ளது.

இவ்விழாவை காஞ்சி லினக்ஸ் பயனர் குழுமம் ஏற்று நடத்துகிறது.

இவ்விழாவின் சிறப்பு விருந்தினர்களாக இந்திய லினக்ஸ் பயனர் குழு சென்னையின் உறுப்பினர்களும் கலந்து கொள்ள உள்ளனர். மேலும் இவ்விழாவின் முக்கிய குறிக்கோளாக கட்டற்ற மென்பொருள் பற்றியும் அதன் சிறப்பம்சம் பற்றியும் மாணவர்களுக்கும் பொதுமக்களுக்கும் எடுத்துரைக்கப்படும்.

நிகழ்வுகள் :-

சேலத்தில் அக்.11 ல் லினக்ஸ் விழிப்புணர்வு கருத்தரங்கு

admin — Sat, 10 Oct 2009 18:40:44 +0000

சேலத்தில் வரும் அக்.11 ல் லினக்ஸ் விழிப்புணர்வு கருத்தரங்கு
நடைபெறுகிறது. இந்த கருத்தரங்கினை இணையம் தொடர்பான சேவைகளை வழங்கி வரும்
விசுவல் மீடியா நிறுவனம், சென்னையில் ஐடி சேவைகள் வழங்கி வரும் லிமேசன்
டெக்னாலஜிஸ் நிறுவனம், மற்றும் தமிழ் செய்தி நிறுவனமான சங்கமம்லைவ்.காம்
ஆகியவை இணைந்து நடத்துகின்றன.

சேலம் வாசவி மஹாலில் நடைபெறும் இக்கருத்தரங்கில் கட்டற்ற (open source)
மென்பொருள்களின் அறிமுகம், அதனுடைய அவசியம் விளக்கப்படவுள்ளது. அடுத்ததாக
லினக்ஸ், ஃபெடோரா லினக்ஸ், உபுந்து போன்ற ஆபரேட்டிங் சிஸ்டங்களைப் பற்றிய
அறிமுகமும், அவற்றை கணிப்பொறியில் எவ்வாறு நிறுவுவது, பயன்படுத்துவது

கேடீயீ தமிழாக்கப் பயிற்சி பட்டறை

admin — Wed, 24 Jun 2009 08:14:41 +0000

குனு லினக்ஸ் இயங்குதளங்களின் இடைமுகப்புகளில் கேடீயீக்கென்று தனியிடம் உள்ளது. அத்தகைய கேடீயீ தனை தமிழாக்கிட வேண்டி பயிற்சிப் பட்டறை ஒன்றை வரும் ஞாயிற்றுக்கிழமை, என் ஆர் சி பாஸ் வளாகத்தில் நடத்த உள்ளோம். பயிற்சி பட்டறையில் கலந்து கொள்ள தாங்கள் கேடீயீ பயன்படுத்துபவராக, பயன்படுத்த விருப்பம் உள்ளவராக இருத்தல் நல்லது.

இடம்:

என் ஆர் சி பாஸ்,
ஏயு-கேபிசி ஆராய்ச்சி மையம்,
எம் ஐ டி வளாகம்,
குரோம்பேட்டை,
சென்னை.

தேதி: 28/06/2009

நேரம்: காலை 10.30

கட்டற்ற மென்பொருள் கருத்தரங்கு - திருக்கோணமலை

admin — Fri, 24 Apr 2009 15:20:14 +0000

கடந்த மார்ச் மாதம் 28ம் நாள் இலங்கை - திருக்கோணமலை லியோ கழகத்தினதும் (Leo club of Trinco new city) MIC Computers நிறுவனத்தினதும் அனுசரணையில் கோணேஸ்வரா இந்துக்கல்லூரியின் சம்பந்தர் மண்டபத்தில் கட்டற்ற மென்பொருள் தொடர்பான அறிமுகக் கருத்தரங்கு நடைபெற்றது.

நூற்றுக்கும் மேற்பட்டவர்கள் இக்கருந்தரங்கில் இறுதிவரை ஆர்வத்துடன் பங்கெடுத்தனர். கருத்தரங்கின் முன்பாதியில் பெரும்பாலும் கட்டற்ற மென்பொருள் இயக்கம் தொடர்பான சித்தாந்த ரீதியான அறிமுகங்களும் விளக்கங்களும் இடம்பெற்றன. கவனம் சிதறாமல் இவ்விஷயங்களைக் கேட்டுக்கொண்டிருந்து கேள்வி நேரத்தில் தத்துவம் சார்ந்த பல கேள்விகளையும் கேட்கத்தொடங்கினார்கள்.

விடியலை நோக்கி வேலூர்...

admin — Sun, 21 Dec 2008 23:30:00 +0000

வேலூர் தகவல் தொழில்நுட்ப அமைப்பின் சார்பாக அதன் உறுப்பினர்களுக்கும் கலந்து கொள்ள விருப்பம் தெரிவித்த பொதுமக்களுக்காகவும் 22-12-2008 ஞாயிற்றுக்கிழமை உபுண்டு அறிமுக நிகழ்ச்சி ஓட்டல் ஆவனா இன் தனில் நடைபெற்றது. வேலூர், ஆரணி என அம்மாவட்டத்தின் பல்வேறு பகுதிகளிலிருந்து நாற்பதிற்கும் மேற்பட்ட கணினி விற்பனையாளர்கள், தொழில் சார்ந்த தகவல் தொழில்நுட்ப சேவை வழங்குவோர் என பலதரப்பு மக்கள் கலந்து கொண்டு பயனடைந்தனர்.

உதகையில் உதயமான உபுண்டு...

admin — Sun, 30 Nov 2008 18:30:00 +0000

உதகை - நவம்பர் 28. கம்ப்யூட்டர் வோர்ல்டு, உதகை சார்பில் உபுண்டு இன்டிரிபிட் ஐபக்ஸ் உதகையில் அறிமுகப்படுத்தப்பட்டது. ஆசிரியர்கள், அரசு அலுவலர்கள், மாணவர்கள், கணினி விற்பனையாளர்கள், கனேடியர் என பலர் நிகழ்ச்சியில் கலந்து கொண்டு பயனடைந்தனர்.

கலந்து கொண்டோருக்கு உபுண்டு நிறுவும் முறை, உபுண்டுவில் பொதிகள் பராமரிப்பு, வைன் பயன்படுத்தி விண்டோஸ் மென்பொருள் நிறுவும் முறை, இணைய வசதிகள் போன்ற விடயங்கள் செய்முறையாக விளக்கப்பட்டன.

இந்திரிபிட் ஐபக்ஸ் - வெளியீட்டுக் குறிப்பு தமிழாக்க உதவி

admin — Mon, 10 Nov 2008 18:30:00 +0000

இந்திரிபிட் ஐபக்ஸ் வெளியீட்டுக் குறிப்பினை தமிழாக்கம் செய்வதில் உதவி தேவைப்படுகிறது. தங்களால் உதவ இயலுமாயின் amachu AT ubuntu DOT com முகவரிக்கு விரைந்து மடல் இயற்றவும்.

உபுண்டு ஆசான் திட்டம்

admin — Fri, 24 Oct 2008 07:45:00 +0000

வரும் டிசம்பர் மாதம் தொடங்கி உபுண்டு தமிழ் குழுமம் “உபுண்டு ஆசான் திட்டம்”
எனும் திட்டத்தை அறிமுகப்படுத்த விழைகிறது. இதன்படி உபுண்டு தமிழ்
குழுமத்தை சேர்ந்த ஆசான்கள் தமிழகம் நெடுகிலும் பயணித்து
உபுண்டு/ டெபியனை அடிப்படையாகக் கொண்டு குனு லினக்ஸ் சார்ந்த
பாடங்களை பலதரப்பட்ட மக்களுக்கு புகட்டுவர்.

முதற்கண் இரண்டு விதமான பாடங்களை உபுண்டு தமிழ் குழுமம் வழங்க விரும்புகிறது…

1) உபுண்டு/ டெபியனை அடிப்படையாகக் கொண்ட இரண்டு நாள் குனு/ லினக்ஸ்
பயிற்சி வகுப்பு - ஆசிரிய/ மாணவர்களுக்கானது
2) உபுண்டு/ டெபியனை அடிப்படையாகக் கொண்ட ஒரு நாள் குனு/ லினக்ஸ் பயிற்சி
வகுப்பு - அலுவலர்/ பொதுவானது